സിപിഐ എം പോളിറ്റ് ബ്യൂറോ പുറപ്പെടുവിക്കുന്ന പ്രസ്താവന
_______________________________________
2023 സെപ്തംബർ 24ന് രാത്രി അമേരിക്കയിലെ ക്യൂബൻ എംബസിക്കു നേരെ നടന്ന ഭീകരാക്രമണത്തെ സിപിഐ എം പൊളിറ്റ് ബ്യൂറോ ശക്തമായി അപലപിക്കുന്നു. ആക്രമണത്തിൽ ആളപായമുണ്ടായില്ലെങ്കിലും വസ്തുവകകൾക്ക് നാശനഷ്ടമുണ്ടായി.
2020 ഏപ്രിലിന് ശേഷം ക്യൂബൻ എംബസിക്ക് നേരെ നടക്കുന്ന രണ്ടാമത്തെ ആക്രമണമാണിത്. സോഷ്യലിസ്റ്റ് ക്യൂബയോടുള്ള യുഎസ് ഭരണകൂടത്തിന്റെ വിരോധം കാരണം മൂന്ന് വർഷം കഴിഞ്ഞിട്ടും അതിനു പിന്നിൽ പ്രവർത്തിച്ചവരെ ഇപ്പോഴും വിചാരണ ചെയ്തിട്ടില്ല.
നയതന്ത്ര ബന്ധങ്ങളെക്കുറിച്ചുള്ള വിയന്ന കൺവെൻഷൻ വ്യവസ്ഥകൾ യുഎസ് ഭരണകൂടം കർശനമായി പാലിക്കുകയും നടപ്പിലാക്കുകയും വേണം. കുറ്റക്കാർക്കെതിരെ കർശനമായ നടപടി ഉടൻ സ്വീകരിക്കണം.
