ആർഎസ്എസുമായി എല്ലാ കാലത്തും ബന്ധം പുലർത്തിയത്‌ കോൺഗ്രസുകാരാണ്. കോൺഗ്രസ് ആർഎസ്എസുമായി സജീവമായ ബന്ധം പുലർത്തിയപ്പോൾ സിപിഐ എം ആർഎസ്എസിനെ പ്രതിരോധിക്കുകയായിരുന്നു. ആർഎസ്എസ് ശാഖയ്‌ക്ക്‌ കാവൽ നിന്നെന്ന്‌ പറഞ്ഞത്‌ കെപിസിസി പ്രസിഡന്റാണ്‌. ആർഎസ്എസ് സ്ഥാപകനായിരുന്ന ഗോൾവാൾക്കറുടെ ചിത്രത്തിന്‌ മുൻപിൽ വിളക്ക്‌ കൊളുത്തി കുമ്പിട്ടത്‌ പ്രതിപക്ഷ നേതാവാണ്. കോൺഗ്രസിന്‌ എക്കാലത്തും കട്ടപിടിച്ച സംഘപരിവാർ മനസ്സാണ്.
കോൺഗ്രസ് ആർഎസ്എസുമായി ധാരണയുണ്ടാക്കിയപ്പോൾ, ആർഎസ്എസിനെ പ്രതിരോധിച്ചാണ് സിപിഐ എമ്മിന് ശീലം. കേരളത്തിൽ ആർഎസ്എസുകാർ ഏറ്റവും കൂടുതൽ കൊലപ്പെടുത്തിയത് സിപിഐ എമ്മുകാരെയാണ്. അവരെ പ്രീണിപ്പിക്കുക എന്നത് പാർടി നയമല്ല.
