പാരിസ് ഒളിംപിക്സിൽ ഇന്ത്യക്കായി ആദ്യ മെഡൽ നേടിയ മനു ഭാകറിന് അഭിനന്ദനങ്ങൾ. 10 മീറ്റർ എയർ പിസ്റ്റൾ ഷൂട്ടിംഗിലെ വെങ്കല മെഡൽ നേട്ടത്തോടെ ഒളിംപിക്സ് ചരിത്രത്തിൽ ഷൂട്ടിംഗ് വിഭാഗത്തിൽ മെഡൽ നേടുന്ന ആദ്യ ഇന്ത്യൻ വനിതയായി മനു ഭാകർ. 12 വർഷത്തിന് ശേഷമാണ് ഇന്ത്യയ്ക്ക് ഷൂട്ടിങ്ങിൽ മെഡൽ നേട്ടമുണ്ടാകുന്നത് എന്നതും മനുവിന്റെ നേട്ടത്തെ മനോഹരമാക്കുന്നു. ലോകോത്തര മത്സരവേദികളിൽ തുടർന്നും മികവ് തെളിയിക്കാൻ മനു ഭാകറിന് സാധിക്കട്ടെ. പാരിസ് ഒളിംപിക്സിൽ ഇന്ത്യക്കായി മത്സരിക്കുന്ന മുഴുവൻ താരങ്ങൾക്കും മികച്ച പ്രകടനം കാഴ്ചവെക്കാൻ ഊർജം പകരുന്നതാണ് മനു ഭാകറിന്റെ ഈ അഭിമാന നേട്ടം.
