രാജ്യത്തിന്റെ ജനാധിപത്യ മതനിരപേക്ഷ മൂല്യങ്ങൾക്ക് കരുത്തേകുവാനുള്ള നിർണായകമായ ലോക്സഭാ തെരഞ്ഞെടുപ്പിൽ കോട്ടയത്തെ ഇടതുപക്ഷ ജനാധിപത്യ മുന്നണി സ്ഥാനാർഥിയായ തോമസ്‌ ചാഴിക്കാടൻ കഴിഞ്ഞ ദിവസം കാണാനെത്തി. നിയമസഭയിൽ ഒരുമിച്ച്‌ പ്രവർത്തിച്ച കാലത്തും ചാഴികാടൻ ഊർജസ്വലനായ ജനപ്രതിനിധിയായിരുന്നു. എംഎൽഎയായും എംപിയായും തോമസ്‌ ചാഴികാടൻ ശ്രദ്ധേയമായ പ്രവർത്തനമാണ്‌ നടത്തിയത്‌. കോട്ടയം മണ്ഡലത്തിൽ വിവിധ പദ്ധതികൾ അദ്ദേഹം പ്രശംസനീയമാംവിധം നടപ്പാക്കി. കോട്ടയത്തെ ഭിന്നശേഷി സൗഹൃദമാക്കി. ചാഴികാടനെ ജനങ്ങൾ വലിയ ഭൂരിപക്ഷത്തിൽ വിജയിപ്പിക്കുമെന്നത് സുനിശ്ചിതമാണ്.
