സിപിഐ എം പോളിറ്റ് ബ്യുറോ പുറപ്പെടുവിക്കുന്ന പ്രസ്താവന
---------------------------------------------------
ഇലക്ടറൽ ബോണ്ടുകൾ വഴി സിപിഐ എമ്മിന് വിവിധ തുകകൾ സംഭാവനയായി ലഭിച്ചതായി ചില വിഭാഗം മാധ്യമങ്ങൾ റിപ്പോർട്ട് ചെയ്തിട്ടുണ്ട്.
ഈ റിപ്പോർട്ടുകൾ തെറ്റും അടിസ്ഥാനരഹിതവുമാണ്. ഇലക്ടറൽ ബോണ്ടുകളെ തത്വത്തിൽ എതിർത്തുകൊണ്ട് അത് സ്വീകരിക്കാൻ സിപിഐ എം തയ്യാറായില്ല എന്നതാണ് വസ്തുത. അതുകൊണ്ടാണ് ഇലക്ടറൽ ബോണ്ടുകൾ സ്വീകരിക്കാൻ നിയമപരമായി ആവശ്യമായ സ്റ്റേറ്റ് ബാങ്ക് ഓഫ് ഇന്ത്യയിലെ അക്കൗണ്ട് പോലും സിപിഐ എം തുറക്കാതിരുന്നത്. ഇലക്ടറൽ ബോണ്ട് സംവിധാനത്തിന്റെ അടിസ്ഥാന തത്വത്തെ സിപിഐ എം തുടക്കം മുതൽ എതിർത്തതുകൊണ്ടാണ് അതിനെതിരെ സുപ്രീംകോടതിയെ സമീപിച്ചത്.
