Skip to main content

അനാചാരങ്ങളുടെ പ്രാകൃതാവസ്ഥയിൽനിന്ന്‌ ആധുനികതയിലേക്ക്‌ കേരളത്തെ മാറ്റിത്തീർത്ത കമ്യൂണിസ്റ്റ്‌ വിപ്ലവകാരികളിൽ പ്രമുഖനായിരുന്നു ടി കെ രാമകൃഷ്‌ണൻ

അനാചാരങ്ങളുടെ പ്രാകൃതാവസ്ഥയിൽനിന്ന്‌ ആധുനികതയിലേക്ക്‌ കേരളത്തെ മാറ്റിത്തീർത്ത കമ്യൂണിസ്റ്റ്‌ വിപ്ലവകാരികളിൽ പ്രമുഖനായിരുന്നു ടി കെ രാമകൃഷ്‌ണൻ. സിപിഐ എം കേന്ദ്ര കമ്മിറ്റി അംഗമായും കിസാൻസഭാ ദേശീയ നേതാവായും സംസ്ഥാനത്തിന്റെ ആഭ്യന്തര മന്ത്രിയായും പ്രവർത്തിച്ച ടി കെ നമ്മെ വിട്ടുപിരിഞ്ഞിട്ട്‌ ഇന്ന്‌ 19 വർഷം.
വസൂരിയും കോളറയും കേരളത്തെ വേട്ടയാടിയ 1940കളുടെ മധ്യത്തിൽ രോഗികളെ ശുശ്രൂഷിക്കാനും സൗജന്യമായി മരുന്നുവിതരണം ചെയ്യാനും ദുരിതാശ്വാസ ക്യാമ്പുകൾ തുറക്കാനും ഇറങ്ങിയത്‌ കമ്യൂണിസ്റ്റുകാരായിരുന്നു. വസൂരിക്ക്‌ കാരണം ദേവീകോപമാണെന്ന അന്ധവിശ്വാസത്തിനെതിരെ സാഹിത്യത്തെ ഉപയോഗപ്പെടുത്തി ബോധവൽക്കരണം നടത്തിയ പ്രതിഭാധനനായ നേതാവായിരുന്നു ടി കെ. നിയമസഭയിലെ ഭരണ–പ്രതിപക്ഷ അനുഭവ സമ്പത്തുണ്ടായിരുന്ന അദ്ദേഹം വിദ്യാർഥി സംഘടനാ പ്രവർത്തനത്തിലൂടെയാണ്‌ പൊതുപ്രവർത്തനത്തിൽ എത്തിയത്‌. 1942ൽ ക്വിറ്റ്‌ ഇന്ത്യ സമര നോട്ടീസ്‌ ഇറക്കിയതിന്‌ കോളേജിൽനിന്ന്‌ പുറത്താക്കപ്പെട്ടശേഷം കരിങ്കൽ, വള്ള, കർഷകത്തൊഴിലാളികളെ സംഘടിപ്പിക്കാൻ തുടങ്ങി. അവരെ ആകർഷിക്കാനായി നാടകങ്ങൾ രചിച്ച്‌ അവതരിപ്പിച്ചു.
അവിഭക്ത കമ്യൂണിസ്റ്റ്‌ പാർടിയുടെ എറണാകുളം ജില്ലാ സെക്രട്ടറി, സിപിഐ എം കോട്ടയം ജില്ലാ സെക്രട്ടറി, സംസ്ഥാന സെക്രട്ടറിയറ്റ്‌ അംഗം, കേന്ദ്ര കമ്മിറ്റി അംഗം എന്നീ നിലയിൽ പ്രവർത്തിച്ചു. പാർടി സെക്രട്ടറിയുടെ ചുമതല വഹിച്ച്‌ ഇഎംഎസ്‌ ഡൽഹിയിൽ ആയിരുന്നപ്പോൾ നിയമസഭയിൽ പ്രതിപക്ഷത്തെ നയിച്ചതും ടി കെ ആയിരുന്നു. നായനാർ മന്ത്രിസഭകളിൽ ആഭ്യന്തരം, ഫിഷറീസ്‌, സഹകരണം, എക്സൈസ്‌, സാംസ്‌കാരികം തുടങ്ങിയ വകുപ്പുകൾ കൈകാര്യം ചെയ്‌ത സഖാവ്‌ ഭരണത്തിൽ മികച്ച മാതൃകകൾ സൃഷ്ടിച്ചു.

2016-ൽ അധികാരത്തിൽ വന്ന പിണറായി വിജയൻ സർക്കാർ പത്താം വർഷത്തിലേക്ക് കടക്കുന്ന വേളയിലാണ് നാം ഇത്തവണ സഖാവ് ടികെയുടെ സ്മരണ പുതുക്കുന്നത്. രണ്ടാം പിണറായി സർക്കാരിന്റെ നാലാം വാർഷികാഘോഷത്തിന്റെയും എന്റെ കേരളം പ്രദർശന വിപണന മേളയുടെയും സംസ്ഥാനതല ഉദ്ഘാടനം ഇന്ന് കാസർഗോഡ് ജില്ലയിൽ വച്ച് നടക്കുകയാണ്. വികസനത്തിന്റെയും സാമൂഹ്യപുരോഗതിയുടേയും ഒൻപതു വർഷങ്ങളുടെ പൂർത്തീകരണമാണിത്. നവകേരള സൃഷ്ടിക്കായി യത്നിക്കുന്ന എൽഡിഎഫ് സർക്കാരിനെയും അതിന് നേതൃത്വം നൽകുന്ന കമ്യൂണിസ്റ്റ് പാർടിയെയും ശക്തിപ്പെടുത്തുന്നതിനുള്ള പ്രവർത്തനങ്ങളിൽ നമുക്ക് പങ്കാളികളാകാം. അത്തരം പോരാട്ടങ്ങൾക്ക് കരുത്തുപകരാൻ ടികെയുടെ സ്മരണ നമുക്ക് വഴികാട്ടും.
 

കൂടുതൽ ലേഖനങ്ങൾ

സമൂഹത്തില്‍ വിദ്വേഷം ജനിപ്പിക്കാനും, സിപിഐഎമ്മിനെ അപകീര്‍ത്തിപ്പെടുത്താനും ബോധപൂര്‍വം വ്യാജപ്രചരണം നടത്തിയവർക്കെതിരെ സംസ്ഥാന പോലീസ്‌ മേധാവിക്ക്‌ പരാതി നല്‍കി

സ. എം വി ഗോവിന്ദൻ മാസ്റ്റർ

സമൂഹത്തില്‍ വിദ്വേഷം ജനിപ്പിക്കാനും, സിപിഐഎമ്മിനെ അപകീര്‍ത്തിപ്പെടുത്താനും ബോധപൂര്‍വം വ്യാജപ്രചരണം നടത്തിയവർക്കെതിരെ സംസ്ഥാന പോലീസ്‌ മേധാവിക്ക്‌ പരാതി നല്‍കി

 

കാലടി സർവ്വകലാശാലയിൽ സിസാ തോമസും സംഘപരിവാറും നടത്തുന്ന പ്രതികാര നടപടി വിദ്യാർത്ഥി വിരുദ്ധവും ജനാധിപത്യ വിരുദ്ധവും

കാലടി സർവ്വകലാശാലയിൽ സിസാ തോമസും സംഘപരിവാറും നടത്തുന്ന പ്രതികാര നടപടി വിദ്യാർത്ഥി വിരുദ്ധവും ജനാധിപത്യ വിരുദ്ധവുമാണ്. അന്യായമായ സസ്പെൻഷനെതിരെ നിരാഹാരസമരം ചെയ്യുന്ന എസ് എഫ് ഐ സഖാക്കളെ പ്രതിപക്ഷ നേതാവ് സ. പിണറായി വിജയൻ അഭിവാദ്യം ചെയ്തു

സിപിഐ(എം) ന്റെ ആലപ്പുഴ ജില്ലാ സെക്രട്ടറിയേറ്റ് അംഗവും അരൂർ ഏരിയാ സെക്രട്ടറിയുമായിരുന്ന കെ.വി ദേവദാസ് മാഷിന്റെ വേർപാടിൽ സ. എം.എ ബേബി ദു:ഖവും അനുശോചനവും രേഖപ്പെടുത്തി

എം.എ ബേബി

അനുശോചനം

സിപിഐ(എം) ന്റെ ആലപ്പുഴ ജില്ലാ സെക്രട്ടറിയേറ്റ് അംഗവും അരൂർ ഏരിയാ സെക്രട്ടറിയുമായിരുന്ന കെ.വി ദേവദാസ് മാഷിന്റെ വേർപാടിൽ സിപിഐ(എം) ജനറൽ സെക്രട്ടറി എം.എ ബേബി ദു:ഖവും അനുശോചനവും രേഖപ്പെടുത്തി.

സമാധാനപരമായി നടത്തി വന്ന എൽ പി എസ് ടി റാങ്ക് ഹോൾഡേഴ്‌സിന്റെ സമരത്തെ പോലീസിനെ ഉപയോഗിച്ച് അടിച്ചമർത്താൻ ശ്രമിച്ച നടപടി ജനാധിപത്യവിരുദ്ധം

സമാധാനപരമായി നടത്തി വന്ന എൽ പി എസ് ടി റാങ്ക് ഹോൾഡേഴ്‌സിന്റെ സമരത്തെ പോലീസിനെ ഉപയോഗിച്ച് അടിച്ചമർത്താൻ ശ്രമിച്ച നടപടി ജനാധിപത്യവിരുദ്ധമാണ്. സമരക്കാരെ കേൾക്കാനുള്ള സഹിഷ്ണുത സർക്കാർ കാണിക്കണം.സെക്രട്ടറിയേറ്റിന് മുന്നിൽ സമരം തുടരുന്ന പ്രവർത്തകരെ എം വി ഗോവിന്ദൻ മാസ്റ്റർ സന്ദർശിച്ചു