പരപ്പനങ്ങാടി നഗരസഭ ചെട്ടിപ്പടിയിലെ സഖാവ് കെ പി കുഞ്ഞാലിക്കുട്ടി മാനവികതയുടെ മഹത്തായ മാതൃകയാണ്. ഇ കെ ഇമ്പിച്ചിബാവ ട്രസ്റ്റ് മുഖേന 29.5 സെന്റ് സ്ഥലം 8 കുടുംബങ്ങൾക്ക് സൗജന്യമായി നൽകിയിരിക്കുകയാണ് സഖാവ്. ഇതിന്റെ രേഖകൾ വിതരണം ചെയ്തു. ഓരോരുത്തരും എല്ലാവർക്കും വേണ്ടിയും എല്ലാവരും ഓരോരുത്തർക്കും വേണ്ടിയും മഹത്തായ സമൂഹസൃഷ്ടിക്കായി അവരവരുടെതായ സംഭാവനകൾ നടത്തുകയെന്ന സന്ദേശമാണ് ഇത് പകർന്നുനൽകുന്നത്. വിവിധ മേഖലകളിൽ പ്രാഗത്ഭ്യം തെളിച്ച 4 പേർക്കുള്ള പുരസ്കാര വിതരണവും നടത്തി. ചടങ്ങിൽ സ. കെ പി കുഞ്ഞാലിക്കുട്ടിയെ ആദരിച്ചു.
