പ്രതിപക്ഷ നേതാവ് സഖാവ് പിണറായി വിജയന്റെ വസതിയിൽ ഇ ഡി നോട്ടീസ് പതിപ്പിച്ചത് രാഷ്ട്രീയ നാടകത്തിന്റെ ഭാഗമാണ്. വിഷയത്തെ നിയമപരമായും രാഷ്ട്രീയമായും നേരിടും.
ഇഡിയെയും ബിജെപിയെയും കേരളത്തിൽ കടന്നുകയറാൻ സഹായിക്കുന്ന നിലപാടാണ് യുഡിഎഫ് സ്വീകരിക്കുന്നത്. ഇഡി ആദ്യം കൈകാര്യം ചെയ്ത എക്സാലോജിക് കേസിൽ വസ്തുതകളില്ലെന്ന് വ്യക്തമായതിനു പിന്നാലെയാണ് അതിന്റെ തുടർച്ചയായി സ. പി എ മുഹമ്മദ് റിയാസിനും കുടുംബാംഗങ്ങൾക്കും സുഹൃത്തുക്കൾക്കുമെതിരെ ഹവാല ആരോപണങ്ങൾ ഉന്നയിച്ച് ഇഡി നീങ്ങുന്നത്. കേസുമായി ബന്ധപ്പെട്ട് എഫ്ഐആർ രജിസ്റ്റർ ചെയ്യണമെന്ന് ഇഡി കേരളത്തിലെ ഉന്നത പൊലീസ് നേതൃത്വത്തോട് നിർദേശിച്ചപ്പോൾ, സമാനസാഹചര്യത്തിൽ ഇന്ത്യയിലെ തന്നെ പഞ്ചാബിലും തമിഴ്നാട്ടിലും ഇ ഡി നൽകിയ ഇത്തരം കാര്യങ്ങൾ അംഗീകരിച്ചു കൊടുത്തിരുന്നില്ല. പക്ഷെ വി ഡി സതീശൻ ഗവൺമെന്റ് അത് അംഗീകരിച്ച് കൊടുക്കുന്ന നിലയാണ് ഉണ്ടായത്. അടിസ്ഥാനമില്ലാത്ത കള്ളക്കേസിന്റെ ഭാഗമായാണ് ഇഡിയുടെ നടപടികൾ.
