ന്യൂസ് ക്ലിക്കിനും പ്രബീര് പുര്കായസ്തയ്ക്കുമെതിരായ കേസിൽ ഡല്ഹി ഹൈക്കോടതിയുടെ വിധി അധികാര ദുർവിനിയോഗത്തിൻ്റെ ജീർണ്ണമുഖത്തിനേറ്റ കനത്ത അടിയാണ്. സ്വതന്ത്രമാധ്യമ പ്രവർത്തനത്തെയും വിയോജിപ്പുകളെയും ജനകീയ പ്രക്ഷോഭങ്ങളെയും
വേട്ടയാടുന്ന അധികാര കേന്ദ്രങ്ങളുടെ ജനാധിപത്യവിരുദ്ധതയെ തുറന്നുകാട്ടുന്നതാണ് കോടതിയുടെ ഇടപെടൽ. രാജ്യത്തെ മുഖ്യധാരാ മാധ്യമങ്ങളെല്ലാം കേന്ദ്രസർക്കാരിൻ്റെ പ്രൊപ്പഗണ്ടാ ഏജൻസികൾ മാത്രമായി അനുസരണയോടെ വാലാട്ടി നിൽക്കുന്ന കാലത്ത്, ന്യൂസ് ക്ലിക്ക് ജനങ്ങളുടെ സത്യസ്രോതസ്സായി മാറുകയായിരുന്നു. ജനാധിപത്യ അവകാശങ്ങളും മാധ്യമസ്വാതന്ത്ര്യവും അന്വേഷണ ഏജൻസികളെ ഉപയോഗിച്ച് ഇല്ലാതാക്കാനാവില്ലെന്ന് വ്യക്തമാക്കുന്നതാണ് കോടതി വിധി.
