ഏറെ പ്രതീക്ഷയോടെ പുതിയൊരു വർഷം കൂടി കടന്നുവരുയാണ്. സാമ്രാജ്യത്വത്തിന്റെ യുദ്ധക്കൊതി അശാന്തി വിതച്ചൊരു വർഷമാണ് കടന്നുപോകുന്നത്. സമാധാനപൂർണമായ പുതിയൊരു വർഷം കടന്നുവരുമെന്ന് നമുക്കാശിക്കാം. രാജ്യത്ത് ഭരണാധികാരികൾ തന്നെ വർഗീയതയെ പ്രോത്സാഹിപ്പിച്ച് ജനങ്ങളെ ഭിന്നിപ്പിക്കുകയും ധ്രുവീകരണ ചിന്ത വളർത്തുകയുമാണ്. ഭിന്ന ചിന്തകൾക്കും ധ്രുവീകരണ രാഷ്ട്രീയത്തിനും അറുതികുറിക്കുന്ന വർഷമാണ് കടന്നുവരുന്നതെന്നും പ്രതീക്ഷിക്കാം. മാനവീകതയും ജനാധിപത്യവും സമത്വവും പുലരുന്നതാകട്ടെ പുതിയ വർഷം.
എല്ലാവർക്കും സ്നേഹവും സമാധാനവും നിറഞ്ഞ പുതുവർഷം നേരുന്നു.
