തിരുവനന്തപുരം യൂണിവേഴ്സിറ്റി കോളേജ് യൂണിയൻ ചെയർപേഴ്സണായി വിജയിച്ച ഫരിഷ്തയും വൈസ് ചെയർപേഴ്സണായ പാർവതിയും ഇന്ന് എകെജി സെന്ററിലെത്തി കാണുകയുണ്ടായി. യൂണിവേഴ്സിറ്റി കോളേജിന്റെ ചരിത്രത്തിലെ ആദ്യ വനിതാ ചെയർപേഴ്സണാണ് ഫരിഷ്ത. ഇരുവർക്കും ആശംസകൾ നേർന്നു.
കേരളത്തിലെ വിദ്യാർത്ഥി യൂണിയൻ തെരഞ്ഞെടുപ്പുകൾ ഉജ്ജ്വല വിജയമാണ് എസ്എഫ്ഐ നേടിയത്. കണ്ണൂർ, കാലിക്കറ്റ്, എംജി, കേരള സർവ്വകലാശാലകളിലും പോളിടെക്നിക്, സ്കൂൾ പാർലമെൻ്റ് തിരഞ്ഞെടുപ്പുകളിലും മികച്ച വിജയം നേടാൻ എസ്എഫ്ഐക്കായി. എസ്എഫ്ഐക്ക് എതിരായ സംഘടിത ആക്രമണങ്ങളെയും മാധ്യമങ്ങളുടെ വ്യാജ ദുഷ്പ്രചരണങ്ങളെയും വിവാദ കോലാഹലങ്ങളെയും കേരളത്തിലെ വിദ്യാർത്ഥി സമൂഹം പൂർണ്ണമായും തള്ളിക്കളഞ്ഞതിന്റെ നേർസാക്ഷ്യമാണ് ഈ ഉജ്ജ്വല വിജയം.
പ്രിയ സഖാക്കൾക്ക് അഭിവാദ്യങ്ങൾ
