കെട്ടിട നിർമ്മാണ പെർമ്മിറ്റ് ഫീസ് കുറയ്ക്കാൻ സർക്കാർ തീരുമാനിച്ചു. 60% വരെ ഫീസ് നിരക്കുകളിൽ കുറവ് ഉണ്ടാകും. 81 മുതൽ 300 സ്ക്വയർ മീറ്റർ വരെ( 871.88- 3229.17 സ്ക്വയർ ഫീറ്റ്) വിസ്തീർണമുള്ള വീടുകൾക്ക് ചുരുങ്ങിയത് അൻപത് ശതമാനമെങ്കിലും പെർമ്മിറ്റ് ഫീസ് കുറയ്ക്കുന്ന രീതിയിലാണ് പുതിയ നിരക്ക്. വ്യവസായ, വാണിജ്യ കെട്ടിടങ്ങളുടെ നിരക്കിലും സമാനമായ കുറവ് വരുത്തിയിട്ടുണ്ട്. 80 ചതുരശ്ര മീറ്ററിൽ താഴെയുള്ള കെട്ടിടങ്ങളുടെ പെർമിറ്റ് പരിഷ്കരിച്ചിരുന്നില്ല. പുതിയ നിരക്കുകൾ ആഗസ്റ്റ് 01 മുതൽ നിലവിൽ വരും. ഇതിനകം ഉയർന്ന പെർമിറ്റ് ഫീസ് അടച്ചവർക്ക് ഇളവ് അനുസരിച്ചുള്ള പണം തിരികെ നൽകാനും തീരുമാനിച്ചിട്ടുണ്ട്.
കേരളത്തിൽ നിലവിലുണ്ടായിരുന്ന പെർമ്മിറ്റ് ഫീസ് രാജ്യത്തെ ഏറ്റവും കുറഞ്ഞ പെർമ്മിറ്റ് ഫീസാണ്. എങ്കിലും ജനങ്ങളുടെ ആവശ്യം മുൻനിർത്തിയാണ് ഈ ഫീസ് പകുതിയിലേറെ സർക്കാർ കുറയ്ക്കുന്നത്. കൂടുതൽ ജനക്ഷേമ നടപടികളുമായി ഇടതുപക്ഷ ജനാധിപത്യ മുന്നണി സർക്കാർ മുന്നോട്ടുപോവുകയാണ്.
