സിപിഐ എമ്മിനൊപ്പം ചേർന്ന് പ്രവർത്തിക്കാൻ തീരുമാനിച്ച തിരുവനന്തപുരം ജില്ലയിലെ പെരിങ്ങമ്മല ഗ്രാമപഞ്ചായത്ത് പ്രസിഡന്റും ഡിസിസി മെമ്പറുമായ ഷിനു മടത്തറ, കോൺഗ്രസ് മുൻ മണ്ഡലം പ്രസിഡന്റും പഞ്ചായത്ത് അംഗവുമായ കലയപുരം അൻസാരി, കോൺഗ്രസ് മണ്ഡലം സെക്രട്ടറിയും പഞ്ചായത്ത് അംഗവുമായ ഷഹനാസ് എന്നിവർ എകെജി സെന്ററിലെത്തി പാർടി സംസ്ഥാന സെക്രട്ടറി സ. എം വി ഗോവിന്ദൻ മാസ്റ്ററെ സന്ദർശിച്ചു. കേരളത്തിന്റെ വികസന പ്രവർത്തനങ്ങൾക്ക് തടസ്സം നിൽക്കുന്ന കോൺഗ്രസ് സംസ്ഥാന നേതൃത്വത്തിന്റെ നയങ്ങളിൽ പ്രതിഷേധിച്ചാണ് ഇവർ കോൺഗ്രസ് വിട്ട് സിപിഐ എമ്മുമായി സഹകരിക്കാൻ തീരുമാനിച്ചത്.
