ഷിരൂരിൽ മണ്ണിടിച്ചിലിൽ കാണാതായ മലയാളി ട്രക്ക് ഡ്രൈവർ അർജുനെ കണ്ടെത്താൻ സംസ്ഥാന സർക്കാരിന് ചെയ്യാൻ കഴിയുന്ന എല്ലാ കാര്യവും ചെയ്യുമെന്ന് ഉറപ്പ് നൽകി മുഖ്യമന്ത്രി സ. പിണറായി വിജയൻ അർജുന്റെ കുടുംബത്തിന് കത്തയച്ചു. ജില്ലാ കളക്ടറാണ് മുഖ്യമന്ത്രിയുടെ കത്ത് അർജുന്റെ കുടുംബത്തിന് കൈമാറിയത്. സംസ്ഥാന സർക്കാർ ഇതുവരെ സ്വീകരിച്ച നടപടികൾ ഔദ്യോഗിക രേഖയായാണ് കളക്ടർ കുടുംബത്തിന് കൈമാറിയത്. അർജുന്റെ അമ്മ, അച്ഛൻ, അർജുന്റെ ഭാര്യ എന്നിവരുമായും കളക്ടർ സംസാരിച്ചു. അർജുന്റെ വീട് സന്ദർശിച്ച മുഖ്യമന്ത്രിയോട് കുടുംബം അവരുടെ ആശങ്ക അറിയിച്ചിരുന്നു. അതിനുള്ള മറുപടിയായാണ് മുഖ്യമന്ത്രിയുടെ കത്ത് അർജുന്റെ കുടുംബത്തിന് കളക്ടർ കൈമാറിയത്.
