മാർക്സിസത്തെ വിപ്ലവസിദ്ധാന്തമായി വളർത്തിയ ലെനിന്റെ അസാമാന്യമായ ധൈഷണികതയും നിർഭയത്വം നിറഞ്ഞ വിപ്ലവവീര്യവും അസാധാരണമായ നേതൃപാടവവുമാണ് ലോകത്തെ കീഴ്മേൽ മറിച്ച മഹത്തായ റഷ്യൻ വിപ്ലവത്തിനു ഊർജ്ജവും ദിശാബോധവും പകർന്നത്. ചൂഷണങ്ങൾക്കറുതി വരുത്താനുള്ള മനുഷ്യന്റെ അദമ്യമായ ആഗ്രഹത്തിന് സാക്ഷാൽക്കാരം നൽകിയ ലെനിൻ സാമ്രാജ്യത്വത്തിനും മുതലാളിത്തത്തിനും എതിരെ സ്വീകരിച്ച നിലപാടുകൾ ഇന്നും പ്രസക്തമാണ്. ലെനിന്റെ രാഷ്ട്രീയ ജീവിതവും ബൗദ്ധിക സംഭാവനകളും കൂടുതൽ ആഴത്തിൽ മനസ്സിലാക്കാനും അതുവഴി അടിസ്ഥാനവർഗ പോരാട്ടങ്ങൾക്ക് കൂടുതൽ മൂർച്ച നൽകാനും നമുക്ക് സാധിക്കണം. ലെനിന്റെ സ്മരണകൾക്കു മുന്നിൽ അഭിവാദ്യങ്ങൾ.
