വയനാട് ഉരുൾപൊട്ടൽ ദുരന്തത്തിൽ അച്ഛനും അമ്മയും സഹോദരിയും ഉൾപ്പെടെയുള്ള പ്രിയപ്പെട്ടവരെ നഷ്ടമായ ശ്രുതിക്ക് വാഹനാപകടത്തിൽ തന്റെ പ്രതിശ്രുത വരൻ ജെൻസനേയും നഷ്ടമായിയെന്ന വാർത്ത ഏറെ ദുഃഖകരമാണ്. പ്രകൃതി ദുരന്തത്തിൽ സർവ്വം നഷ്ടപ്പെട്ട ശ്രുതിക്ക് അതിജീവനത്തിന്റെ പുതുലോകത്തേക്കുള്ള യാത്രയ്ക്കിടയിൽ ഇത്തരമൊരു ദുരന്തത്തെ കൂടി അഭിമുഖീകരിക്കേണ്ടിവന്നു എന്നത് ഹൃദയഭേദകമാണ്. ഈ നഷ്ടങ്ങൾക്ക് മറ്റൊന്നും പകരമാകില്ലെങ്കിലും ഒരു ജനത ഒറ്റക്കെട്ടായി ശ്രുതിയോടൊപ്പം ഉണ്ടാകുമെന്നത് ഉറപ്പാണ്. ശ്രുതിയുടെയും ജെൻസന്റെ കുടുംബാംഗങ്ങളുടെയും ദുഃഖത്തിൽ പങ്കുചേരുന്നു. തളരാതെ മുന്നേറാൻ ശ്രുതിക്കാവട്ടെ.
