Skip to main content

കള്ളം പറയുന്നത് മനുഷ്യർക്കാകെ ഭൂഷണമല്ല എന്നിരിക്കെ ഒരു നാടിൻ്റെ മുഖ്യമന്ത്രിക്ക് ജനങ്ങളുടെ മുമ്പാകെ കള്ളം പറയാൻ യാതൊരു മടിയുമില്ല എന്നത് അത്യന്തം ദൗർഭാഗ്യകരമാണ്

കള്ളം പറയുന്നത് മനുഷ്യർക്കാകെ ഭൂഷണമല്ല എന്നിരിക്കെ ഒരു നാടിൻ്റെ മുഖ്യമന്ത്രിക്ക് ജനങ്ങളുടെ മുമ്പാകെ കള്ളം പറയാൻ യാതൊരു മടിയുമില്ല എന്നത് അത്യന്തം ദൗർഭാഗ്യകരമാണ്. കഴിഞ്ഞദിവസം മുഖ്യമന്ത്രി പറഞ്ഞ അഞ്ച് നുണകൾ.

നുണ ഒന്ന്: കാലടി സർവകലാശാലയിലെ വി.സി.യെയും സിൻഡിക്കേറ്റ് അംഗങ്ങളെയും പൂട്ടിയിട്ട് ആക്രമിച്ചതിനാലാണ് വിദ്യാർത്ഥികളെ സസ്‌പെൻഡ് ചെയ്തത്.

സത്യം: പോലീസിന്റെ അകമ്പടിയിൽ മൂന്ന് വിദ്യാർത്ഥികളാണ് ചർച്ചയ്ക്കായി സിൻഡിക്കേറ്റ് മുറിയിൽ കയറിയത്. അവർ യാതൊരു അക്രമവും കാട്ടിയിട്ടില്ല. അവർ പോകുന്നതും വരുന്നതും സി.സി.ടി.വി. നോക്കിയാൽ കാണാൻ കഴിയും. തങ്ങളെ മുറിയിൽ പൂട്ടിയിട്ട് മർദ്ദിച്ചു എന്ന് സിൻഡിക്കേറ്റ് അംഗങ്ങളിൽ ആരും പരാതിപ്പെട്ടിട്ടില്ല. മാത്രമല്ല, അന്ന് പ്രകടനം നടത്തിയതിന് പോലീസ് എടുത്ത കേസിന്റെ എഫ്.ഐ.ആർ. പരിശോധിച്ചാൽ മുഖ്യമന്ത്രി പറയുന്ന ആക്രമണമൊന്നും കാണാൻ കഴിയില്ല.

നുണ രണ്ട്: വി.സി.ക്ക് ശവമഞ്ചമൊരുക്കി.

സത്യം: 'ലൈറ്റ് മരിച്ചേ' എന്ന നാടകമാണ് വിദ്യാർത്ഥികൾ അവതരിപ്പിച്ചത്. അത് വീഡിയോയിലൂടെ കാണാനും കഴിയും.

നുണ മൂന്ന്: കുട്ടികൾക്ക് മതിയായ ഹാജറില്ല.

സത്യം: സസ്‌പെൻഡ് ചെയ്യപ്പെട്ട 60 ദിവസം ഒഴിവാക്കിയാൽ 98 ശതമാനം വരെ ഹാജർ വിദ്യാർത്ഥികൾക്കുണ്ട്.

നുണ നാല്: ജി.എൻ.എ. വൈദ്യുതി വാങ്ങുന്നതാണ് ലാഭകരം.

സത്യം: ജി.എൻ.എ.യുമായുള്ള കരാറിൽ ഹിമാചൽ പ്രദേശിൽ നിന്നുമുള്ള വൈദ്യുതി വാങ്ങുന്നതിനേക്കാൾ 727 കോടി രൂപയുടെ നഷ്ടമാണ് ഉണ്ടാവുക. കെ.എസ്.ഇ.ബി. തയ്യാറാക്കിയ നിർദ്ദിഷ്ട രണ്ട് കരാറുകളുടെ താരതമ്യം ചെയ്തുകൊണ്ടുള്ള രാജ്മാണിക്യം റിപ്പോർട്ട് പരിശോധിച്ചാൽ 461 കോടി രൂപയുടെ നഷ്ടമുണ്ടാകും.

നുണ അഞ്ച്: മദ്യ ലൈസൻസ് നൽകാൻ ഡെപ്യൂട്ടി കമ്മീഷണർമാർക്ക് അധികാരം നൽകിയത് എൽ.ഡി.എഫ്. സർക്കാരാണ്.

സത്യം: 2011 ജൂലൈ 19ന് ഉമ്മൻ ചാണ്ടി സർക്കാരാണ് എഫ്.എൽ. 7 എന്ന വിഭാഗത്തിൽപ്പെടുന്ന ലൈസൻസ് നൽകാൻ ഡെപ്യൂട്ടി കമ്മീഷണർക്ക് അധികാരം നൽകുന്ന ഉത്തരവ് ഇറക്കിയത്. അന്നത്തെ എക്‌സൈസ് മന്ത്രി കെ. ബാബുവായിരുന്നു. ഉത്തരവിന്റെ കോപ്പി മാധ്യമങ്ങളിൽ വന്നു.

 

കൂടുതൽ ലേഖനങ്ങൾ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന ഉദ്യോഗസ്ഥരെല്ലാം സ്ഥലം മാറ്റപ്പെട്ടു, അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു

സ. എംവി ഗോവിന്ദൻ മാസ്റ്റർ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന
ഉദ്യോഗസ്ഥരെല്ലാം സ്ഥലം മാറ്റപ്പെട്ടു.
അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു.

 

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്

സ. പിണറായി വിജയൻ

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ
വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്.
496 കോടി രൂപയുടെ ഇടപാടിൽ കുറഞ്ഞത് 252 കോടി രൂപയുടെ നഷ്ടം
പെരുപ്പിച്ചു കാണിച്ച വിലയിൽ നിന്നു തന്നെ സംസ്ഥാനത്തിന് ഉണ്ടാകുന്നു
 

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്

സ. പിണറായി വിജയൻ

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ
സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്.
പുറത്ത് വരുന്നത് ജീർണിച്ച കോൺഗ്രസ്സ് രാഷ്ട്രീയത്തിന്റെ വൃത്തികെട്ട മുഖം
 

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു.