Skip to main content

സ്വയം 'പരിഷ്കൃതരായ' ബുദ്ധിരാക്ഷസന്മാർ എന്ന് ധരിച്ചുവച്ചിരിക്കുന്ന 'മഹാ പണ്ഡിതന്മാർക്ക്' വിദ്യാർത്ഥികളുടെ ആക്ഷേപഹാസ്യ നാടകത്തിന്റെ പൊരുൾ പോലും മനസ്സിലാവുന്നില്ല എന്നത് പരിഹാസ്യമാണ്

സ്വയം 'പരിഷ്കൃതരായ' ബുദ്ധിരാക്ഷസന്മാർ എന്ന് ധരിച്ചുവച്ചിരിക്കുന്ന 'മഹാ പണ്ഡിതന്മാർക്ക്' വിദ്യാർത്ഥികളുടെ ആക്ഷേപഹാസ്യ നാടകത്തിന്റെ പൊരുൾ പോലും മനസ്സിലാവുന്നില്ല എന്നത് പരിഹാസ്യമാണ്.

'മാപ്പുമില്ല ഒരു കോപ്പുമില്ല, സവർക്കറുടെ അനുയായികളാകാൻ മനസ്സുമില്ല' എന്നത് കാലടി സംസ്‌കൃത സർവകലാശാല വിദ്യാർത്ഥികളുടെ നാടകത്തിലെ രണ്ടാം ഭാഗമാണ്. ആദ്യഭാഗം 'ലൈറ്റ് മരിച്ചേ' എന്നായിരുന്നു. ആദ്യഭാഗം 10 മിനിറ്റും, പിന്നീട് ഉണ്ടായ സസ്പെൻഷനും പരീക്ഷാവിലക്കും എല്ലാം കൂട്ടിച്ചേർത്ത് 10 മിനിറ്റും ഉൾപ്പെടെ ഏകദേശം 20 മിനിറ്റ് നേരമുള്ള നാടകം ഉന്നതവിദ്യാഭ്യാസ മന്ത്രി അടക്കം എല്ലാ മലയാളികളും കാണണം. കഴിഞ്ഞദിവസം കാലടി സംസ്‌കൃത സർവകലാശാലയുടെ ആസ്ഥാനത്ത് നിരാഹാര സമരം അനുഷ്ഠിക്കുന്ന വിദ്യാർത്ഥികളെ കാണാൻ പോയപ്പോൾ നാടകം കാണുകയുണ്ടായി. നാടകം അവതരിപ്പിച്ചവരും പിന്നിൽ പ്രവർത്തിച്ച സംഘാടകരുമായ വിദ്യാർത്ഥികളെ സസ്പെൻഡ് ചെയ്യാനോ പരീക്ഷ എഴുതിക്കാതിരിക്കാനോ തക്ക കുറ്റം നാടകത്തിൽ ഒരാൾക്കും കാണാൻ കഴിയില്ല. നാടകത്തിൽ വി.സി.യുടെ ശവമഞ്ചം ഒരുക്കിയിട്ടില്ല.

സസ്പെൻഷൻ ഉത്തരവിൽ പറയുന്നതുപോലെ വി.സി.യുടെ ശവമഞ്ചം ആയിരുന്നില്ല, ലൈറ്റിന്റെ ശവമഞ്ചം ആയിരുന്നു അവിടെ കാണാൻ കഴിഞ്ഞത്. ഓലയിൽ പൊതിഞ്ഞ് ലൈറ്റുകൾ കൊണ്ടുവരികയായിരുന്നു. സസ്പെൻഷൻ ഉത്തരവിൽ ആരോപിക്കുന്നത് പോലെയായിരുന്നുവെങ്കിൽ 'ലൈറ്റ് മരിച്ചേ, ഞങ്ങളുടെ ലൈറ്റ് മരിച്ചേ' എന്നായിരുന്നില്ലല്ലോ വിദ്യാർത്ഥികൾ കരയുക! ആവശ്യമായ പഠന സൗകര്യങ്ങളും ഹോസ്റ്റൽ സൗകര്യങ്ങളും ഒരുക്കണമെന്ന് ആവശ്യപ്പെട്ട് രണ്ടുമാസം മുമ്പ് സർവകലാശാലയ്ക്ക് മുമ്പിൽ നടത്തിയ സമരത്തിലാണ് 10 മിനിറ്റ് ദൈർഘ്യമുള്ള ആക്ഷേപഹാസ്യ രൂപത്തിലുള്ള ഈ നാടകം ആദ്യം അവതരിപ്പിച്ചത്.

ആറ് ഗവേഷണ വിദ്യാർത്ഥികൾ ഉൾപ്പെടെ 16 വിദ്യാർത്ഥികളുടെ ഭാവി കൊണ്ടാണ് വി.സി. പന്താടുന്നത്. വിദ്യാർത്ഥികൾ യാതൊരു തെറ്റും ചെയ്തിട്ടില്ല. പിന്നെ എന്തിനാണ് മാപ്പു പറയേണ്ടത്? മാപ്പു പറയുന്ന പാരമ്പര്യം സവർക്കറുടെ പാർട്ടിക്കാണ്. അത് വി.സി.യുടെ യജമാനന്മാരുടെ പാർട്ടിയാണ്. 'മാപ്പുമില്ല ഒരു കോപ്പുമില്ല, സവർക്കറുടെ അനുയായികളാകാൻ മനസ്സുമില്ല.' കേരളം നെഞ്ചേറ്റുകയാണ് ഈ പ്രഖ്യാപനം.

 

കൂടുതൽ ലേഖനങ്ങൾ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന ഉദ്യോഗസ്ഥരെല്ലാം സ്ഥലം മാറ്റപ്പെട്ടു, അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു

സ. എംവി ഗോവിന്ദൻ മാസ്റ്റർ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന
ഉദ്യോഗസ്ഥരെല്ലാം സ്ഥലം മാറ്റപ്പെട്ടു.
അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു.

 

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്

സ. പിണറായി വിജയൻ

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ
വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്.
496 കോടി രൂപയുടെ ഇടപാടിൽ കുറഞ്ഞത് 252 കോടി രൂപയുടെ നഷ്ടം
പെരുപ്പിച്ചു കാണിച്ച വിലയിൽ നിന്നു തന്നെ സംസ്ഥാനത്തിന് ഉണ്ടാകുന്നു
 

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്

സ. പിണറായി വിജയൻ

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ
സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്.
പുറത്ത് വരുന്നത് ജീർണിച്ച കോൺഗ്രസ്സ് രാഷ്ട്രീയത്തിന്റെ വൃത്തികെട്ട മുഖം
 

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു.