Skip to main content

കൺസഷൻ കരാറിന് വിരുദ്ധമായി വിഴിഞ്ഞം തുറമുഖത്തിന്റെ ഓഹരികൾ കൈമാറാൻ അദാനി ​ഗ്രൂപ്പ് എങ്ങനെ ധൈര്യപ്പെട്ടു എന്നത് സംശയകരമാണ്

കൺസഷൻ കരാറിന് വിരുദ്ധമായി വിഴിഞ്ഞം തുറമുഖത്തിന്റെ ഓഹരികൾ കൈമാറാൻ അദാനി ​ഗ്രൂപ്പ് എങ്ങനെ ധൈര്യപ്പെട്ടു എന്നത് സംശയകരമാണ്. അദാനി വിഴിഞ്ഞം പോർട്ടിന്റെ 49 ശതമാനം ഓഹരികൾ മെഡിറ്ററേനിയൻ ഷിപ്പിങ് കമ്പനി (എംഎസ്‍സി)ക്കാണ് നൽകിയത്. ഓഹരിക്കൈമാറ്റത്തിലൂടെ അദാനി ​ഗ്രൂപ്പിന് ലാഭമുണ്ടാക്കാനുള്ള നീക്കമാണ് നടത്തിയത്. കരാർ പ്രകാരം 25 ശതമാനത്തിലധികം ഓഹരികൾ കൈമാറണമെങ്കിൽ സംസ്ഥാന സർക്കാരിന്റെ മുൻകൂർ അം​ഗീകാരം ആവശ്യമാണ്. ഇതൊന്നുമില്ലാതെ ഓഹരിക്കൈമാറ്റം നടത്തിയതിൽ ഒട്ടേറെ സംശയങ്ങൾ ഉയരുന്നുണ്ട്. എവിടെയോ എന്തോ അസാധാരണമായ കാര്യങ്ങൾ സംഭവിച്ചു എന്ന് വ്യക്തമാണ്.

ഉടമസ്ഥാവകാശമാറ്റത്തിൽ സംസ്ഥാന സർക്കാരിന്റെ നിലപാട് എന്തെന്ന് ഇനിയും വ്യക്തമാക്കാനുണ്ട്. സർക്കാരിന്റെ അറിവോടെയാണോ അദാനി ​ഗ്രൂപ്പിന്റെ ഓഹരിക്കൈമാറ്റം എന്നും, കരാർ ലംഘിച്ച നടപടിക്കെതിരെ സർക്കാർ ഏത് തരത്തിലുള്ള നിയമനടപടിയാണ് സ്വീകരിക്കാൻ ഉദ്ദേശിക്കുന്നതെന്നും വിശദീകരിക്കണം. തന്റെ അറിവോടെയല്ല തീരുമാനമെന്നാണ് മുഖ്യമന്ത്രി നിയമസഭയിൽ പറഞ്ഞത്. എന്നാൽ അദാനി പോർട്ടിന്റെ അധികൃതർ സർക്കാരിനെ ഓഹരിക്കൈമാറ്റം അറിയിച്ചു എന്നും പറയുന്നു. ഇതിൽ വസ്തുത എന്താണെന്ന് തുറമുഖ വകുപ്പ് കൈകാര്യം ചെയ്യുന്ന മുഖ്യമന്ത്രി തന്നെയാണ് ജനങ്ങളോട് പറയേണ്ടത്.

കേരളത്തിന്റെ താൽപര്യത്തിന് വിരുദ്ധമായ നീക്കമാണ് അദാനിയുടെ ഓഹരിക്കൈമാറ്റം. വിഴിഞ്ഞം തുറമുഖത്തെ ബഹുരാഷ്ട്ര കുത്തകയ്ക്ക് വിൽക്കുന്നതിന്റെ ആദ്യപടിയായി ഈ ഓഹരിക്കൈമാറ്റത്തെ കാണാം. ഷിപ്പിങ് രം​ഗത്ത് പ്രവർത്തിക്കുന്ന എംഎസ്‍സി വിഴിഞ്ഞം തുറമുഖം നിയന്ത്രിച്ചാൽ അതൊരു കുത്തകയായി മാറും. അങ്ങനെ വരുമ്പോൾ മറ്റ് കമ്പനികളുടെ കപ്പലുകൾക്ക് നിയന്ത്രണമില്ലാതെ വിഴിഞ്ഞത്തേക്ക് അടുക്കാനാകില്ല.

സർക്കാർ പങ്കാളിത്തത്തോടെ അദാനി നടത്തുന്ന തുറമുഖമാണ് വിഴിഞ്ഞത്തേത്. ഓഹരിക്കൈമാറ്റത്തിലൂടെ എംഎസ്‍സിക്ക് നിയന്ത്രണാധികാരം ലഭിക്കും. വിദേശകമ്പനിയുടെ ആധിപത്യത്തിലേക്ക് വളഞ്ഞവഴിയിലൂടെ കാര്യങ്ങൾ നീങ്ങുകയാണ്. അതിലൂടെ നാടിന്റെ താൽപര്യമാണ് ഹനിക്കപ്പെടുന്നത്. സർക്കാരിന്റെ വരുമാനത്തിലും നഷ്ടം വന്നേക്കും. കരാറിൽ ഒരുമാറ്റവുമുണ്ടാകരുതെന്നും, അദാനി ​ഗ്രൂപ്പിന്റെ താൽപര്യത്തിന് ഒരു കാരണവശാലും സർക്കാർ വഴങ്ങിക്കൊടുക്കരുത്.

 

കൂടുതൽ ലേഖനങ്ങൾ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന ഉദ്യോഗസ്ഥരെല്ലാം സ്ഥലം മാറ്റപ്പെട്ടു, അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു

സ. എംവി ഗോവിന്ദൻ മാസ്റ്റർ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന
ഉദ്യോഗസ്ഥരെല്ലാം സ്ഥലം മാറ്റപ്പെട്ടു.
അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു.

 

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്

സ. പിണറായി വിജയൻ

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ
വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്.
496 കോടി രൂപയുടെ ഇടപാടിൽ കുറഞ്ഞത് 252 കോടി രൂപയുടെ നഷ്ടം
പെരുപ്പിച്ചു കാണിച്ച വിലയിൽ നിന്നു തന്നെ സംസ്ഥാനത്തിന് ഉണ്ടാകുന്നു
 

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്

സ. പിണറായി വിജയൻ

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ
സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്.
പുറത്ത് വരുന്നത് ജീർണിച്ച കോൺഗ്രസ്സ് രാഷ്ട്രീയത്തിന്റെ വൃത്തികെട്ട മുഖം
 

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു.