Skip to main content

വിഴിഞ്ഞം അന്താരാഷ്ട്ര തുറമുഖത്തെ ഓഹരിക്കൈമാറ്റം ആശങ്കയുണർത്തുന്നത്

വിഴിഞ്ഞം അന്താരാഷ്ട്ര തുറമുഖത്തെ ഓഹരിക്കൈമാറ്റം ആശങ്കയുണർത്തുന്നതാണ്. കരാർ പ്രകാരം തുറമുഖ അതോറിറ്റിയായ കേരള സർക്കാരിന്റെ അനുമതിയോടെ മാത്രമേ ഓഹരി വിൽക്കാനോ, കരാർ വ്യവസ്ഥയിൽ മാറ്റമുണ്ടാകുന്ന തരത്തിൽ ഉടമസ്ഥതയിൽ വ്യതിയാനം സൃഷ്ടിക്കാനോ കഴിയുകയുള്ളൂ. 25 ശതമാനത്തിൽ കൂടുതൽ ഓഹരിവിൽക്കുന്നത് ഉടമസ്ഥതയുടെ കൈമാറ്റമായാണ് കണക്കാക്കുന്നത്. ഇത് ചെയ്യുമ്പോൾ ദേശീയസുരക്ഷയുടെയും പൊതുജനങ്ങളുടെ താൽപര്യവും പരി​ഗണിക്കണമെന്ന് വ്യവസ്ഥയുണ്ട്. കേന്ദ്രസർക്കാരിന്റെ അഭിപ്രായവും ആരായാവുന്നതാണ്. പഹൽ​ഗാം ഭീകരാക്രമണവും ഓപറേഷൻ സിന്ദൂറും നടക്കുന്ന സമയത്ത് അതീവ സുരക്ഷ സ്ഥലമായിട്ടാണ് കേന്ദ്രസർക്കാർ വിഴിഞ്ഞം തുറമുഖത്തെ പരി​ഗണിച്ചത്.

കപ്പൽകമ്പനിയായ എംഎസ്‍സിയുമായി തുറമുഖ നടത്തിപ്പുകാരായ അദാനി ​ഗ്രൂപ്പ് കൂട്ടുടമസ്ഥയിലാകുമ്പോൾ കുത്തക അവകാശമാണ് സ്ഥാപിതമാകുന്നത്. ഇത് കേരളത്തിന്റെ വാണിജ്യ താൽപര്യങ്ങൾക്കും തുറമുഖത്തിന്റെ ഭാവി വികസനത്തിനും അപകടകരമാണ്. നിലവിൽ ട്രാൻസ്ഷിപ്പ്മെന്റ് മാത്രമാണ് കൈകാര്യം ചെയ്യുന്നതെങ്കിലും ഈ മാസത്തോടുകൂടി റോഡ് മാർ​ഗം ചരക്ക് നീക്കം ആരംഭിക്കാനാകും. കേരളത്തിലുള്ള ഒരു വ്യവസായിക്ക് ഒരു നിശ്ചിത കമ്പനിയുടെ കണ്ടെയ്നറിലും കപ്പലിലും മാത്രമേ അവരുടെ ചരക്ക് ബുക്ക് ചെയ്യാൻ സാധിക്കൂ എന്ന പ്രശ്നമാണ് ഇതിലൂടെ വരാൻപോകുന്നത്. ആ ഒറ്റയാൻ കമ്പനി നിശ്ചയിക്കുന്ന നിരക്ക് എല്ലാ വ്യവസായികളും അം​ഗീകരിക്കാൻ ബാധ്യസ്ഥരാകും എന്നതാണ് പാർശ്വഫലം.

നേരത്തെ പൊതുമേഖലാ സ്ഥാപനങ്ങളുമായി 5000 കോടി രൂപയുടെ ധാരണാപത്രം കേരള സർക്കാർ ഒപ്പുവെച്ചിട്ടുണ്ട്. വിഴിഞ്ഞത്ത് കുത്തക വരുന്നതോടെ ഇവരുൾപ്പെടെയുള്ള സ്ഥാപനങ്ങളുടെ വളർച്ച മുരടിക്കും. ലോകോത്തര മാതൃകയിൽ മൾട്ടി ഓപറേറ്ററായി തുറുമുഖം വളരുമെന്നാണ് കണക്കുകൂട്ടിയത്. എന്നാൽ ഓഹരിക്കൈമാറ്റം വഴി വികസനസാധ്യതകൾ ചുരുങ്ങുകയും മത്സരക്ഷമത തകർക്കപ്പെടുകയും ചെയ്യും. മറ്റ് സാമ്പത്തിക ക്രമക്കേടുകൾക്കും വഴിവെക്കാൻ സാധ്യതയുണ്ട്. സർക്കാരിന് ലഭിക്കേണ്ട വരുമാനവിഹിതത്തില്‍ കൃത്രിമമായി കുറവ് വരാനും ഈ ഓഹരിക്കൈമാറ്റം ഇടയാക്കില്ലേ എന്ന് ആശങ്കയുണ്ട്.

 

കൂടുതൽ ലേഖനങ്ങൾ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന ഉദ്യോഗസ്ഥരെല്ലാം സ്ഥലം മാറ്റപ്പെട്ടു, അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു

സ. എംവി ഗോവിന്ദൻ മാസ്റ്റർ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന
ഉദ്യോഗസ്ഥരെല്ലാം സ്ഥലം മാറ്റപ്പെട്ടു.
അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു.

 

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്

സ. പിണറായി വിജയൻ

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ
വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്.
496 കോടി രൂപയുടെ ഇടപാടിൽ കുറഞ്ഞത് 252 കോടി രൂപയുടെ നഷ്ടം
പെരുപ്പിച്ചു കാണിച്ച വിലയിൽ നിന്നു തന്നെ സംസ്ഥാനത്തിന് ഉണ്ടാകുന്നു
 

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്

സ. പിണറായി വിജയൻ

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ
സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്.
പുറത്ത് വരുന്നത് ജീർണിച്ച കോൺഗ്രസ്സ് രാഷ്ട്രീയത്തിന്റെ വൃത്തികെട്ട മുഖം
 

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു.