മത്സ്യത്തൊഴിലാളി ജീവിതങ്ങൾ കൂടുതൽ കഠിനമാകുന്ന കാലഘട്ടമാണ്. കേരളത്തിന്റെ സൈന്യമെന്ന് പ്രഖ്യാപിച്ച് കേരള സർക്കാർ മത്സ്യത്തൊഴിലാളികളെ ചേർത്തുപിടിക്കാൻ ശ്രമിക്കുമ്പോഴും കേന്ദ്രസർക്കാർ അവരെ പരിപൂർണ്ണമായി കയ്യൊഴുകുകയാണ്. അമേരിക്കൻ വ്യാപാര കരാറുകളും തീരുവാ നടപടികളും അടക്കം പ്രതികൂലമായി ബാധിച്ചത് കേരളത്തിലെ ഭൂരിപക്ഷം വരുന്ന മത്സ്യത്തൊഴിലാളികളെയാണ്. അവരുടെ ഉൽപ്പന്നങ്ങൾ കയറ്റുമതി ചെയ്യുന്നതിന് നാളിതുവരെ നേരിട്ടിട്ടില്ലാത്ത തടസ്സങ്ങൾ അവർ നേരിട്ടു. പ്രതിസന്ധിയുടെ നടുക്കടലിലും പ്രതീക്ഷ കൈവിടാതെ തുഴയുന്ന മത്സ്യത്തൊഴിലാളികൾ തന്നെയാണ് മുന്നോട്ടു കുതിക്കാനുള്ള നമ്മുടെ പ്രതീകങ്ങളിലൊന്ന്. വികസന മുന്നേറ്റ ജാഥയെ പൊന്നാനിയിൽ വച്ച് ഹൃദയംകൊണ്ട് സ്വീകരിച്ചു.
