രാജ്യത്തിന്റെ ഭാവി യുവാക്കളുടെ ചുമലിലാണ്. മെച്ചപ്പെട്ട ഭാവി കെട്ടിപ്പടുക്കുന്നതിനായി യുവത പോരാട്ടത്തിനിറങ്ങണം. രാജ്യത്തിന് എന്താണ് വേണ്ടതെന്നു തീരുമാനിക്കേണ്ടത്‌ യുവതയാണ്‌. എല്ലാവർക്കും വിദ്യാഭ്യാസവും തൊഴിലും ലഭിക്കുന്നതുവരെ നരേന്ദ്ര മോദി സർക്കാരിന്‌ ഉറക്കം നഷ്ടപ്പെടുന്ന പ്രക്ഷോഭങ്ങൾക്ക്‌ ഡിവൈഎഫ്‌ഐ നേതൃത്വം നൽകണം. കേന്ദ്രസർക്കാർ അനുദിനം രാജ്യത്തെ കൊള്ളയടിക്കുകയാണ്‌. 11 ലക്ഷം കോടി രൂപയുടെ കോർപറേറ്റ്‌വായ്പകേന്ദ്രം എഴുതിത്തള്ളി. അതു തിരികെപ്പിടിച്ച്‌ പൊതുനിക്ഷേപം വർധിപ്പിക്കുന്നതിനൊപ്പം രാജ്യത്തിന്റെ അടിത്തട്ട്‌ വരെ വികസനം എത്തിക്കുകയും വേണം.
