Skip to main content

സംസ്ഥാനം കൈവരിച്ച വികസന മുന്നേറ്റങ്ങളെയും ജനക്ഷേമ പ്രവർത്തനങ്ങളെയും കള്ളക്കണക്കുകൾ നിരത്തി ഇകഴ്ത്തിക്കാട്ടാനാണ് യുഡിഫ് സർക്കാർ ശ്രമിക്കുന്നത്

യുഡിഎഫ് സർക്കാർ നിയമസഭയിൽ സമർപ്പിച്ച ധവളപത്രം തികച്ചും രാഷ്ട്രീയ പ്രേരിതമായ ഒരു കപടരേഖ മാത്രമാണ്. കഴിഞ്ഞ ഭരണകാലത്ത് സംസ്ഥാനം കൈവരിച്ച വികസന മുന്നേറ്റങ്ങളെയും ജനക്ഷേമ പ്രവർത്തനങ്ങളെയും കള്ളക്കണക്കുകൾ നിരത്തി ഇകഴ്ത്തിക്കാട്ടാനാണ് സർക്കാർ ശ്രമിക്കുന്നത്. യുഡിഎഫിന്റെ മുൻകാല അവകാശവാദങ്ങളെല്ലാം പൊള്ളയായിരുന്നുവെന്ന് ഈ ധവളപത്രം തന്നെ തെളിയിക്കുന്നു.
സംസ്ഥാനത്തിന്റെ കടം 6 ലക്ഷം കോടി രൂപയായെന്ന് മുൻപ് നിരന്തരം പ്രചരിപ്പിച്ചവർ ഇന്ന് സഭയിൽ സമർപ്പിച്ച രേഖയിൽ കടബാധ്യത 5.07 ലക്ഷം കോടി രൂപ മാത്രമാണെന്ന് സമ്മതിച്ചിരിക്കുകയാണ്. ജീവനക്കാരുടെ ശമ്പള കുടിശ്ശികയായി 1 ലക്ഷം കോടിയിലധികം രൂപ നൽകാനുണ്ടെന്ന വ്യാജ പ്രചാരണവും പൊളിഞ്ഞു വീണു. കുടിശ്ശികയിനത്തിൽ ആകെ 48,733 കോടി രൂപ മാത്രമാണ് ഉള്ളതെന്ന് ധവളപത്രം വ്യക്തമാക്കുന്നു.
സംസ്ഥാനത്തിന്റെ റവന്യൂ വരുമാനത്തിന്റെ 77 ശതമാനവും പലിശയ്ക്കും ശമ്പളത്തിനുമായി പോകുന്നു എന്ന വാദം ഉയർത്തി ജനക്ഷേമ പദ്ധതികളിൽ നിന്നും വികസനത്തിൽ നിന്നും പിന്നോട്ടുപോകാനുള്ള മുൻകൂർ ജാമ്യമെടുക്കലാണ് ഇപ്പോൾ നടക്കുന്നത്. വികസന ചെലവുകൾ ജി.എസ്.ഡി.പിയുടെ 1.3 ശതമാനം മാത്രമാണെന്ന് വിലപിക്കുന്ന സർക്കാർ, വരും ദിവസങ്ങളിൽ പൊതുമേഖലാ സ്ഥാപനങ്ങളെ സ്വകാര്യവൽക്കരിക്കാനും ജനങ്ങൾക്ക് മേൽ വൻ നികുതിഭാരം അടിച്ചേൽപ്പിക്കാനുമുള്ള ഗൂഢാലോചനയ്ക്കാണ് തുടക്കമിട്ടിരിക്കുന്നത്. കിഫ്ബിയുടെ 21,000 കോടി രൂപയുടെ ബാധ്യതയെ ഭീതിജനകമായി ചിത്രീകരിക്കുന്നവർ, അത് വഴി നാടൊട്ടുക്കും ഉണ്ടായ സ്കൂളുകളും റോഡുകളും ആശുപത്രികളും കാണാൻ വിസമ്മതിക്കുന്നു.
ധനകാര്യ വകുപ്പിനെ മറികടന്ന് ബാഹ്യ ഏജൻസികളെയും സ്വകാര്യ വ്യക്തികളെയും വെച്ച് തയ്യാറാക്കിയ ഈ ധവളപത്രത്തിന് യാതൊരുവിധ ഔദ്യോഗിക വിശ്വാസ്യതയുമില്ല.
 

കൂടുതൽ ലേഖനങ്ങൾ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന ഉദ്യോഗസ്ഥരെല്ലാം സ്ഥലം മാറ്റപ്പെട്ടു, അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു

സ. എംവി ഗോവിന്ദൻ മാസ്റ്റർ

എല്ലാ മേഖലയിലും അഴിമതി രഹിതമായി പ്രവര്‍ത്തിച്ചുകൊണ്ടിരുന്ന
ഉദ്യോഗസ്ഥരെല്ലാം സ്ഥലം മാറ്റപ്പെട്ടു.
അരാജകത്വം ഈ സർക്കാരിന്റെ മുഖമുദ്രയായി മാറിക്കഴിഞ്ഞു.

 

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്

സ. പിണറായി വിജയൻ

നാല് രൂപയ്ക്ക് താഴെ കാറ്റാടി വൈദ്യുതി ലഭ്യമായിരിക്കെ 11 രൂപ നിരക്കിൽ
വിഇഎച്ച് ഗ്ലോബലുമായി ഉണ്ടാക്കിയ കരാർ പകൽക്കൊള്ളയാണ്.
496 കോടി രൂപയുടെ ഇടപാടിൽ കുറഞ്ഞത് 252 കോടി രൂപയുടെ നഷ്ടം
പെരുപ്പിച്ചു കാണിച്ച വിലയിൽ നിന്നു തന്നെ സംസ്ഥാനത്തിന് ഉണ്ടാകുന്നു
 

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്

സ. പിണറായി വിജയൻ

അധികാരം കിട്ടിയാൽ എന്തുമാവാമെന്നും എന്ത് വൃത്തിക്കേട്‌ ചെയ്താലും രാഷ്ട്രീയ
സംരക്ഷണം ലഭിക്കുമെന്നുമുള്ള അഹങ്കാരത്തിന്റെ നേർചിത്രമാണ് ഡിസിസി അംഗത്തിന്റെ തട്ടിപ്പ്.
പുറത്ത് വരുന്നത് ജീർണിച്ച കോൺഗ്രസ്സ് രാഷ്ട്രീയത്തിന്റെ വൃത്തികെട്ട മുഖം
 

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു

പ്രതിപക്ഷ നേതാവ് സ. പിണറായി വിജയൻ അട്ടപ്പാടി മുക്കാലിയിലെ മരണപ്പെട്ട കുഞ്ഞിന്റെ വീട് സന്ദർശിച്ചു.