എസ്ഡിപിഐ വോട്ട് വേണ്ടെന്ന് പറയാൻ കോൺഗ്രസിന്‌ ധൈര്യമുണ്ടോ? എസ്ഡിപിഐ പിന്തുണ യുഡിഎഫിനാണെന്നത്‌ ഞെട്ടിക്കുന്നതാണ്‌. കോൺഗ്രസിലെ മതനിരപേക്ഷ വാദികൾക്ക് ഈ കൂട്ടുകെട്ട് അംഗീകരിക്കാനാവില്ല. പിന്തുണ സ്വീകരിക്കുന്ന നിലപാടിൽ പ്രതിഷേധിച്ച് ഇനിയും ആളുകൾ പുറത്തുവരും. ഇക്കാര്യത്തിൽ കോൺഗ്രസിൽ വലിയ പൊട്ടിത്തെറിയുണ്ടാകും.
പാലക്കാടിനെ കുരുതിക്കളമാക്കാൻ നോക്കിയവരാണ് എസ്ഡിപിഐയും ആർഎസ്എസും. രണ്ട് കൊലപാതകം നടത്തിയവരാണ്‌ അവർ. ആരുടെ തണലിലാണ് ഇവർ വളരുന്നതെന്ന് ഇപ്പോൾ വ്യക്തമായിരിക്കുകയാണ്. എസ്ഡിപിഐ പിന്തുണ സ്വീകരിക്കേണ്ട അവസ്ഥയിലേക്ക് കോൺഗ്രസ് എത്തി. എസ്ഡിപിഐ പിന്തുണവേണ്ടെന്ന്‌ സിപിഐ എം നേരത്തേ തന്നെ പറഞ്ഞിട്ടുണ്ട്.
