സിപിഐ എം ജനറൽ സെക്രട്ടറി സ. സീതാറാം യെച്ചൂരി കണ്ണൂരിലെ സ. കോടിയേരി ബാലകൃഷ്ണന്റെ വീട് സന്ദർശിച്ചു. കോടിയേരിയുടെ കുടുംബാംഗങ്ങളെ ആശ്വസിപ്പിച്ച അദ്ദേഹം വീട്ടിൽ കുടുംബം സജ്ജീകരിച്ച കോടിയേരിയുടെ പോരാട്ട സ്മരണകൾ തുളുമ്പുന്ന മ്യൂസിയവും സന്ദർശിച്ചു.
"മ്യൂസിയം കാണുമ്പോൾ കോടിയേരിയുടെ ഓർമ്മകൾ തുടിക്കുകയാണ്, കോടിയേരിയുടെ നിറഞ്ഞ് നിന്ന പുഞ്ചിരിക്കുന്ന മുഖം മനസ്സിൽ തെളിയുന്നു. കോടിയേരിയോടൊപ്പം ഉണ്ടായിരുന്ന ഓർമ്മകൾ ഇപ്പോഴും എന്നിൽ ആവേശം ജനിപ്പിക്കുന്നതാണ്" സഖാവ് സീതാറാം യെച്ചൂരി മ്യൂസിയത്തിലെ സന്ദർശന ഡയറിയിൽ കുറിച്ചു.
