ചപ്പാരപ്പടവ് തലവിൽ, അൽഫോൻസാ നഗറിൽ ഗുഡ് സമരിറ്റൻ റീഹാബിലിറ്റേഷൻ ആൻഡ് ട്രെയിനിങ് സെന്ററിന്റെ രണ്ടാംഘട്ട പ്രവർത്തനങ്ങളുടെ ഭാഗമായുള്ള വൊക്കേഷണൽ സെന്ററിന്റെ ഉദ്ഘാടനം നിർവഹിച്ചു. പക്ഷാഘാതത്താലും, വിവിധ അപകടങ്ങളാലും ചലനശേഷി നഷ്ടപ്പെട്ടവരുൾപ്പടെ മറ്റ് വിവിധ ഭിന്നശേഷി വിഭാഗങ്ങൾക്കായുള്ള സമഗ്ര പുനരധിവാസ നൈപുണ്യ പരിശീലന കേന്ദ്രമാണിത്. പാലിയേറ്റീവ് കെയർ അടക്കം വിവിധ ജീവകാരുണ്യ പ്രവർത്തനങ്ങളിൽ ഏർപ്പെട്ടിരിക്കുന്ന ഈ ട്രസ്റ്റിന്റെ ഏറ്റവും നൂതനമായ കാൽവെപ്പാണ് ഈ സ്ഥാപനം. ഫിസിയോതെറാപ്പി അടക്കം ഇവിടെ നൽകുന്ന എല്ലാ സേവനങ്ങളും സൗജന്യമാണ്. ഇന്നത്തെ പരിപാടിയിൽ കുറി വരച്ചാലും കുരിശ് വരച്ചാലും എന്ന സ്വാഗത ഗാനം മനോഹരമായി ആലപിച്ചത് കാഴ്ച പരിമിതിയുള്ള സുനിൽ ജോസഫായിരുന്നു. 20 ഓളം പേരാണ് നിലവിൽ ഗുഡ് സമരിറ്റൻ റീഹാബിലിറ്റേഷൻ സെന്ററിൽ അന്തേവാസികളായുള്ളത്.
