ഫെഡറൽ വ്യവസ്ഥയെയും ജനാധിപത്യത്തെയും തകർത്ത് അധികാരം ഒരിടത്ത് കേന്ദ്രീകരിക്കുക എന്ന സംഘപരിവാർ അജൻഡയാണ്
'ഒരു രാജ്യം, ഒരു തെരഞ്ഞെടുപ്പ്’. ഇന്ത്യൻ പാർലമെൻ്ററി സമ്പ്രദായത്തെ അവസാനിപ്പിക്കുക എന്നതാണ് ഈ നീക്കത്തിന്റെ ലക്ഷ്യം. സാംസ്കാരികവും ഭൂമിശാസ്ത്രപരവുമായ വൈവിധ്യങ്ങളെ മാനിക്കാതെ, ഇന്ത്യൻ ബഹുസ്വരതയുടെ ജനവിധികളെ അട്ടിമറിക്കാനുള്ള സൂത്രവിദ്യയാണ് കേന്ദ്ര സർക്കാർ തേടുന്നത്. സംസ്ഥാന സർക്കാരുകളെ വരുതിയിലാക്കുക എന്ന തന്ത്രമാണ് ബിജെപി പരീക്ഷിക്കുന്നത്. ഇന്ത്യൻ ജനാധിപത്യത്തിന്റെ ജീവൻ സംരക്ഷിക്കുവാൻ നമുക്ക് കൈകോർക്കാം.
