തീവ്രഹിന്ദുത്വം കൈകാര്യംചെയ്യുന്ന ബിജെപിയും മൃദുഹിന്ദുത്വത്തെ പ്രോത്സാഹിപ്പിക്കുന്ന കോൺഗ്രസും തമ്മിൽ മൗലികവ്യത്യാസങ്ങളില്ല. കോൺഗ്രസ് നേതാക്കൾ എപ്പോൾ ബിജെപിയിൽ പോകുമെന്നു പറയാൻ കഴിയില്ല. ഏറ്റവും വലിയ വർഗീയശക്തികളുടെ പരിപാടിയിൽ പങ്കെടുത്തയാളാണ്‌ പ്രതിപക്ഷനേതാവ്‌. കെപിസിസി പ്രസിഡന്റ്‌ നേരത്തേ നിലപാട്‌ വ്യക്തമാക്കി. ശശി തരൂർ എപ്പോൾ പോകുമെന്നു പറയാനാകില്ല. കേരളത്തിൽ കോൺഗ്രസ് ഇല്ലാതാവുകയാണ്‌. ലീഗില്ലാതെ കേരളത്തിൽ കോൺഗ്രസിന്‌ നിലനിൽപ്പില്ല. തെലങ്കാനയും കർണാടകവും ഒഴിച്ച്‌, മറ്റൊരു സംസ്ഥാനത്തും ഇപ്പോൾ കോൺഗ്രസ് പ്രബലമല്ല. കോൺഗ്രസ് പാർടിയുടെ ജാഥാസമാപനത്തിൽ സിപിഐ എം പങ്കെടുക്കേണ്ടതില്ല. വേദിയിൽ ഒരു കൗതുകത്തിന്‌ ഇരിക്കേണ്ട കാര്യമില്ല. ജോഡോ യാത്ര നടത്തിയ രാഹുൽ ഗാന്ധി അവിടെനിന്ന്‌ നേരെ മത്സരിക്കാനെത്തുന്നത്‌ വയനാട്ടിലേക്കാണ്‌. ഇഎംഎസിന്റെ കാഴ്‌ചപ്പാടിന്റെ തുടർച്ചയാണ്‌ നവകേരളം. മതനിരപേക്ഷ ഉള്ളടക്കവും ആഭിമുഖ്യവും കേരളത്തിൽ ഒരു സുപ്രഭാതത്തിൽ ഉണ്ടായതല്ല. പതിനായിരക്കണക്കിന്‌ മനുഷ്യരുടെ ത്യാഗമാണ്‌ അതിനുപിന്നിലുള്ളത്‌.
