മയക്കുമരുന്നിന് എതിരായി സിപിഐ എം എറണാകുളം ജില്ലാ കമ്മിറ്റി നടത്തുന്ന വിപുലമായ ക്യാമ്പയിന്റെ ഭാഗമായി നടന്ന ജില്ല ജനകീയ സഭ പാർടി സംസ്ഥാന സെക്രട്ടറി സ. എം വി ഗോവിന്ദൻ മാസ്റ്റർ ഉദ്ഘാടനം ചെയ്തു. തിന്മയുടെ സന്ദേശം പടർത്തുന്ന മയക്കുമരുന്ന് ഉപയോഗത്തിനെതിരെ രംഗത്തിറങ്ങാൻ എറണാകുളം ടൗൺ ഹാളിൽ നടന്ന സമ്മേളനത്തിൽ പങ്കെടുത്ത നൂറുകണക്കിനുപേർ പ്രതിജ്ഞയെടുത്തു. രാസലഹരി ഉൾപ്പെടെയുള്ള മുഴുവൻ മയക്കുമരുന്ന് സംവിധാനങ്ങളെയും അമർച്ച ചെയ്യാൻ സംസ്ഥാന സർക്കാരിന്റെ പൊലീസ്, എക്സൈസ് സംവിധാനങ്ങൾക്ക് പൂർണ പിന്തുണയർപ്പിച്ചാണ് സിപിഐ എം ജനകീയ സഭ രൂപീകരിക്കുന്നത്. പ്രൊഫ. എം കെ സാനു മാസ്റ്റർ അധ്യക്ഷനായ പരിപാടിയിൽ സംവിധായകൻ സിബി മലയിൽ മുഖ്യപ്രഭാഷണം നടത്തി.
