മനുഷ്യമോചനത്തിന്റെ മഹാചക്രവാളം ലക്ഷ്യംവച്ച് മർദിതരുടെ പടയണിയെ മുന്നോട്ട് നയിച്ച് അമരത്വത്തിലേക്ക് നടന്നുകയറിയ ഞങ്ങളുടെ പ്രിയസഖാവേ, നിങ്ങൾ നെഞ്ചോട് ചേർത്ത പ്രത്യയശാസ്ത്രവും ഉയർത്തിപ്പിടിച്ച ചെങ്കൊടിയും ഉരുക്കുപോലുറച്ച സംഘടനയും ഞങ്ങളുടെ ഹൃദയത്തിന്റെ അവസാന മിടിപ്പുവരെയും ജീവനുതുല്യം സംരക്ഷിക്കും. നിങ്ങൾ ബാക്കിയാക്കി കടന്നുപോയ പോരാട്ടം, തുടർച്ച മുറിയാതെയും ശക്തിചോരാതെയും ഞങ്ങൾ മുന്നോട്ട് കൊണ്ടുപോകും. വേർപാടിന്റെ വേദനയിലും നിങ്ങൾ പകർന്നുതന്ന പാഠങ്ങൾ ഞങ്ങളെ കർമനിരതരും സമാരോൽസുകരുമാക്കും. സഖാവ് സ്നേഹിച്ച, സഖാവിനെ സ്നേഹിച്ച മർദിതജനതയുടെ മോചനത്തിനും നന്മയ്ക്കുമായി ഞങ്ങൾ സ്വയം സമർപ്പിക്കുന്നു.
വർഗ്ഗസമരസരണിയിൽ ഒളിമങ്ങാത്ത രക്തനക്ഷത്രമായി എന്നും ഞങ്ങൾക്ക് വഴികാട്ടുക.
അമരനും അജയ്യനുമായ സഖാവ് കോടിയേരിക്ക് അന്ത്യാഭിവാദ്യം.
Red Salute Comrade Kodiyeri
