അഴീക്കോടന്‍ രാഘവന്‍


അഴീക്കോടന്‍ രാഘവന്‍

സ: അഴീക്കോടന്‍ 1972 സെപ്‌റ്റംബര്‍ 23 ന്‌ നമ്മെ വിട്ടുപിരിഞ്ഞു. തീവ്രവാദത്തിന്‍െറ പൊയ്‌മുഖമണിഞ്ഞ ഒരു സംഘം തൃശൂരില്‍ രാത്രിയുടെ മറവില്‍ സഖാവിനെ അരും കൊല ചെയ്യുകയായിരുന്നു. ഭരണവര്‍ഗത്തിന്‍െറ ഒത്താശയോടെ നടത്തിയ ആ ക്രൂരകൃത്യം തൊഴിലാളിവര്‍ഗ പ്രസ്ഥാനത്തിനും പ്രബുദ്ധകേരളത്തിനും ഒരിക്കലും മറക്കാനാകില്ല.

പാര്‍ടി സംസ്ഥാന സെക്രട്ടേറിയറ്റ്‌ അംഗമായും, ഇടതുമുന്നണി കണ്‍വീനറായും പ്രവര്‍ത്തിച്ച സ: അഴിക്കോടന്‍ കമ്യൂണിസ്റ്റ്‌ പാര്‍ടിയും വര്‍ഗ പ്രസ്ഥാനങ്ങളും കെട്ടിപ്പടുക്കുന്നതിലും ഇടതു-വലത്‌ പ്രവണതകള്‍ക്കെതിരായി പൊരുതി പാര്‍ടിയെ മുന്നോട്ടുനയിക്കുന്നതിലും സുപ്രധാന പങ്കാണ്‌ സഖാവ്‌ നിര്‍വ്വഹിച്ചത്‌.